Республиканская
ежедневная
газета
г. Владикавказ
пр. Коста, 11, Дом печати
(8-867-2)25-02-25
Æз целый осетин дæн

Æз целый осетин дæн

Хураууон дыууæ чысыл лæппуйы хъазынц. Сæ мадæлтæ сæм иуварсæй сæ хъус дарынц. Лæппутæм хæстæгдæр бацыдтæн æмæ сæ фæрсын:

Санаторий

— Иронау зонут?

— Æз зонын, — зæгъы сæ иу, бурхил. Иннæ мæм æнцад кæсы, цыма мæ хорз æмбары, уыйау, фæлæ йæм мæ иударон фарстæн дзуапп дæттын нæ цæуы — фæлмæцыд дзы у... Бакастæй та саулагъз, саудзæст, саудзыкку.

Бурдзалыджы йæ номæй бафарстон.

— Азæмæт.

— Ды хорз лæппу дæ, Азæмæт.

— Мæнæ уый та Костик у. Краснодары цæры. Æмæ Костик половинæ ирон у, æз та целый осетин дæн.

— Хорз загътай... Æмæ скъоламæ та нæма цæуыс?

— Осенью бацæудзынæн.

— Фæззæджы ома.

— О, фæззæджы.

— Æмæ кæцон дæ?

— Уæлæ владикавказаг.

— Горæтаг, зæгъгæ, дзурын хъæуы.

— Горæтаг, — загъта та коммæгæс-уисæнгæнагæй, фæлæ йæм ахæм дзуапп бынтон раст нæ кæсы — дæлæ Алагир дæр горæт куы у... Æмæ бафтыдта йæ дзуапмæ: — Владикавказы горæты горæтаг!

— Уæд та дзæуджыхъæуккаг зæгъын хъæуы.

Фæлæ та ныр дæр йæ зæрдæмæ цыдæр нæ цæуы. Йæхион та тæры:

— Дзæуджы... Дзæуджыгорæтаг!

— Маладец, мæлдзыг! Ахæм зондджынæй дæ мыггаг та кæмæй у?..

— Уртаев... — Иронау æй куы зæгъид, уый йæ фæнды æмæ йæхимидæг ууыл тухитæ кæны.

— Иронау куыд дзургæ у дæ мыггаг, уымæй дæ бабайы бафæрсдзынæ, хорз?

— О.

— Бирæ цæр! Мæнæ Костик дæр æнæхъæн осетин суæд, целый ирон.

Фæстæмæ сæ хъазтыл фесты.

Фæссихорæй Азæмæтмæ йæ фыд бæрæггæнæг æрбацыд. "Аудийæ". Азæмæт æй, мæнмæ амонгæйæ, цæмæйдæр фарста...

28.07.2000, Тæмисчъы санатори.

Республиканская
ежедневная
газета

© 2017 sevosetia.ru

Любое использование материалов сайта в сети интернет допустимо при условии указания имени автора и размещения гипертекстовой ссылки на источник заимствования.

Использование материалов сайта вне сети интернет допускается исключительно с письменного разрешения правообладателя.


Контакты:
г. Владикавказ
пр. Коста, 11, Дом печати
(8-867-2)25-02-25
gazeta.sevos@kpmk.alania.gov.ru
Яндекс.Метрика